#264. Enn um hraðlest

Í niðurlagi fréttarinnar er svohljóðandi setning:

"Hraðlest myndi stytta leiðina frá flug­vell­in­um til Reykja­vík­ur um fimmtán til átján mínút­ur."

Þetta er klaufalega orðað. Leiðin styttist ekki neitt þó lestarsamgöngur verði notaðar, heldur er það ferðatíminn sem styttist um einhverjar mínútur.

Reyndar lýst mér illa á þessa framkvæmd vegna þess að mér finnast arðsemisforsendur hennar vafasamar. Ferðakostnaður verður umtalsvert hærri en nú er og heildarferðatími frá heimili á höfuðborgarsvæðinu til flugvallar verður svipaður og nú þegar tekið er tillit til tímans frá heimili að brautarstöð og biðtíma á stöðinni.

Þá munu menn leita til lífeyrissjóða um fjármögnun og það verður glatað fé að mínu mati.

Sjá annars hér: http://rlingr.blog.is/blog/rlingr/entry/1407388/

 

 

 


mbl.is Viðræður um flugvallarlest í gang
Tilkynna um óviðeigandi tengingu við frétt

#263. Svar Bjarna.....

Svar Bjarna við bréfi Víglundar Þorsteinssonar ætti að vera stutt og laggott: "Hey gamli, borgaðu fyrir Sementsverksmiðjuna!"

Þessi gamli fauskur ætlar að reyna fram á grafarbakkann að ná BM Vallá til baka. Það er hans eina markmið.


mbl.is Víglundur: Bjarna bíður ísköld ákvörðun
Tilkynna um óviðeigandi tengingu við frétt

#262. Ísraelsmenn æfir

Ísraelsmenn eru æfir yfir ákvörðun Reykjavíkurborgar að sniðganga vörur frá Ísrael. Ákvörðunin veikir verulega útflutning Ísraels enda voru viðskipti við Reykjavíkurborg mikilvægur hlekkur í utanríkisverslun þeirra.

Nei, í alvöru?! Hvað er að þessu liði í borgarstjórn að eyða tíma í að ræða þessa einkapólitík Bjarkar Vilhelmsdóttur? Hvað er næst? Utanríkismálanefnd Reykjavíkurborgar?

Tíma borgarstjórnar er betur varið í að ræða málefni sem standa borginni nær en krossferðir Bjarkar og eiginmanns hennar til Mið-Austurlanda. En Björk getur þá væntanlega kvatt borgarstjórn sátt um að hafa loksins áorkað einhverju með setu sinni þar.


mbl.is Samþykkti sniðgöngu á ísraelskum vörum
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband